Die AfriForum-tak in Roodepoort, in samewerking met Solidariteit Helpende Hand, het skooltasse en skryfbehoeftes by skole aan die Wes-Rand uitgedeel.
Dié tak se bestuur het besluit om meer op jeugaksies te konsentreer en het met Helpende Hand geskakel. So het die inisiatief ontstaan om die tasse en skryfbehoeftes by skole te gaan uitdeel.
“Dit is ‘n voorreg om saam met ‘n groep mense te werk wat eerder hoop skep en ‘n beter môre vir ons jeug verseker as om hoop en ‘n toekoms vir hulle eie sak onder hul neuse te hou,” het Dewet Ungerer, AfriForum se assistent-distrikkoördineerder vir Wes-Rand gesê.
Lede van die AfriForum Roodepoort-tak en AfriForum Jeug het Laerskool Generaal De La Rey en Laerskool Esperanza besoek waar hulle van die skooltasse oorhandig het wat aan behoeftige Graad 1’s gegee moet word.
Dewet het afgesluit, “Helpende Hand en AfriForum Roodepoort sal in die toekoms soortgelyke aksies saam aanpak”.
Do you perhaps have more information pertaining to this story? Email us at roodepoortrecord@caxton.co.za (remember to include your contact details) or phone us on 011 955 1130.
For free daily local news on the West Rand, also visit our sister newspaper websites
Remember to visit our Facebook, Twitter and Instagram pages to let your voice be heard!
