Hoërskool Bastion se gewilde damestee is weer op 3 Augustus in hul skoolsaal aangebied. Die tema was Denim en Diamante.
Bastion se wenkoor het die gehoor met ‘n asemrowende optrede betower, waarna die meisies van Bastion hul pragtige aandrokke tydens die modeparade vertoon het.
Gasspreker, Yolande Korkie, wat ‘n paar jaar gelede in Yemen saam met haar man gevange gehou is, het haar storie met die gehoor kom deel. Almal het aandagtig na haar motiverende praatjie geluister.
Daarna het Ria Hugo met haar engelstem die gehoor betower. Die eregas, Sonja Eloff, wat ‘n finalis in die Mrs Africa Pageant 2019 is, het die gelukstrekking behartig en die geskenkbewyse aan die wenners oorhandig.
At Caxton, we employ humans to generate daily fresh news, not AI intervention. Happy reading!
